Monday, August 20, 2012

Don't Leave me!

ప్రతి దినం నీతోనే ఉదయించాలి...
అనునిత్యం నీడలా నా తోడువై ఉండాలి...
కల కాకూడదు నీ పరిచయం...
కల్ల కాకూడదు మన పయనం...

నీ దరహాసం చూసి, తారలన్ని కూడా ఈర్ష్య పడుతున్నాయి, చంద్రుడు కూడా. ఇంత ప్రకాశవంతమైన నీ లాంటి తేజస్సు వాళ్ళలో లేదని.
నీ మనసు మధురామృతం. నిన్ను చూసి, ఈ పూలన్నీ కూడా సహించ లేకపోతున్నాయి. నీ మనసు లోని మకరందం తమ లో లేదని.
నిన్ను చూసి, సముద్రుడు కుల్లుకుంటున్నాడు. నీ లాంటి విశాలమైన హృదయం తనకు లేదని.
నిన్ను చూసి కోయల పాడటం మానుకుంది, శ్రావ్యమైన సంగీతం లాంటి నీ గాత్రం తనకు లేదని.
నిన్ను చూసి భూ మాత ముఖం చాటేసింది, నీ లా భరించే ఓపిక తనకి లేదు అని.

చంద్రునికి మచ్చే అందం. గులాబికి ముల్లె ఆయుధం. సముద్రానికి ఆటు, పోటులే ఆనందం. ఇవన్ని కూడా సహజం. విధి రాత. అలానే నేను కూడా నీకు!!!

Saturday, February 18, 2012

నిరీక్షణ





క్షణ క్షణం అనుక్షణం నీకై నిరీక్షణం..
గాయం భయం నీకై మాయం!!!

నీకై వేచి చూస్తుంది నా మనస్సు...అదిగో అక్కడ ఎడారిలో (ఎండమావి) అంటుంది నీ మనస్సు.
నీకై వెతుకుంది నా కనులు... అదిగో చీకటిలో నీ నీడనై ఉన్నా అంటుంది నీ కనులు.
నీకై పయనం అవుతుంది నా పాదం...అదిగో నింగి, నేల కలిసే చోట వైపు నడిపిస్తుంది నీ మార్గం.
నీకై చాచుతున్నాయి నా చేతులు...అదిగో నీటిలో ఉన్న నీ ప్రతిమను చూపిస్తున్నాయి నీ చేతులు.
నీ పిలుపుకై వేచి చూస్తుంది నా చెవులు...పిలుస్తున్నా అంటుంది నీ మౌనం.
నీకై, వేచి వేచి...అలసి...సొలసి...ఇక ఆగుతా అంటుంది నా హృదయం!!!